De sosjo-terapeute Toos moat har helpe harren plakje yn ‘e ‘normale’ maatskippij wer te finen. De wethâlder dy’t ferantwurdlik is foar de subsydzje fan Huize fan Speykstrjitte komt del om it spul troch it gat te sjen. It liket der op dat de jildkraan tichtdraaid wurdt en de bewenners wer werom nei de ynstelling moatte. Toos jout dúdlike ynstruksjes hoe’t de bewenners har hâlde en drage moatte as de wethâlder komt, mar dizze bemuoisucht falt by harren ferkeard. Se beslute om sawol Toos as de wethâlder dúdlik te meitsjen dat se harsels poerbêst rêde kinne. Wa is hjir eins gek? Op eigen ‘gekke’ wize besoargje sy harren gasten in bysûndere jûn.