De man is in ferbiten hypokonder, dy’t ûnder lieding fan in soad dokters en aptekers syn libben ferslyt op syn ‘siikbêd’. Op in dei beslút hy dat it tiid wurdt dat syn dochter trouwen giet. Yn ferbân mei syn sabeare sykten liket it him tige noflik om in dokter te hawwen as skoansoan, dat sadwaande regelet hy dat. Syn dochter is hjir net fan sjarmearre, hja is al fereale op in oarenien. De heit lykwols jout syn dochter in kar-út: of trouwe, of it kleaster yn. Op in stuit spanne de broer fan de man en it tsjinstfamke gear en betinke in komplot tsjin de man om de brulloft tsjin te hâlden.