It stik spilet him ôf yn in nachtklup. De eigeneresse Sophie hat de boel al in pear jier net mear yn ‘e hân. Ek har dochter Jeanette sjocht it eins net mear sitten. De Klup sit yn ferfal, de artysten binne ûntefreden en der is gjin jild mear om de salarissen út te beteljen.

It is Sophie har jierdei en se ferwachtet, lyk as alle jierren, fjouwer spesjale gasten. Mar wat binne dat eins foar gasten? Ek har suster komt, mar is it wol har suster? Sophie ferwachtet dat der op de jûn fan har jierdei in foarstelling brocht wurdt. Mar binne alle artysten der noch wol? En dy’t der binne, wolle dy noch wol spylje? En wat binne dat eins foar artysten? Ha we dy soms net earder sjoen? Wat docht dy kreaze fint yn ‘e seal en wa binne dy oare fiif wichtige manlju?

En is der noch takomst foar Klup Le Courage?